సూర్యోదయం అనేది ఒక రోజులో జరిగే ఒక అందమైన విషయం . ఆకాశంలో ఎరుపు, బంగారం, పసుపు, నారింజ రంగుల నృత్యంలా అద్బుతంగా ఉంటుంది. ఈ సమయంలో ఆకాశం ఒక అందమైన పెయింటింగ్ లా ఉంటుంది. మరియు సూర్యోదయ సమయంలో ఉన్న ప్రశాంతత, ఉత్తేజం రోజులో ఇంకెప్పుడు ఉండదు.

సూర్యోదయం పవిత్రమైన క్షణం,సూర్యుడి సున్నితమైన కిరణాలు చుట్టూ ఉన్న అన్ని జీవరాసులను పోషించడం ప్రారంభిస్తాయి. పువ్వులు వికసిస్తాయి. పక్షులు చిలిపిగా నవ్వుతాయి. మనుషులు తమ రోజును ప్రారంభిస్తారు. సూర్యోదయం చూసే వ్యక్తికి ఆనందాన్ని ఇస్తుంది. సూర్యోదయం యొక్క మొదటి కొన్ని కిరణాలు చాలా ప్రయోజనకరమైనవి మరియు చికిత్స చేసే లక్షణాలు ఉన్నవి. ఈ పవిత్రమైన క్షణాన్ని యోగ సంప్రదాయంలో సూర్య నమస్కారంతో గౌరవిస్తారు . సూర్యోదయాన్ని చూడటం శారీరక, మానసిక ఆరోగ్యానికి చాలా ప్రయోజనాలను ఇస్తుంది. సూర్యోదయ సమయంలో సూర్య నమస్కారాన్ని చేయడం ఈ ప్రయోజనాలను పెంచడానికి ఒక శక్తివంతమైన మార్గం.

సూర్య నమస్కారం అంటే సూర్య భగవానుడికి కృతజ్ఞతలు లేదా నమస్కారాలు చెప్పడం. సూర్య భగవానుడు ఈ మీద జీవం రావడానికి మూలం. సూర్యుడు లేకుండా, భూమిపై జీవితం నిలబడదు. జీవితాన్ని నిలబెట్టినందుకు, భూమికి ఇన్ని ఆశీర్వాదాలు ఇచ్చినందుకు సూర్య భగవానుడికి కృతజ్ఞత మరియు భక్తిని తెలియజేసే మార్గం సూర్య నమస్కారం.

సూర్య నమస్కారం అనేది చేసేవాళ్ళకి అనేక ప్రయోజనాలను అందించే 12 ఆసనాల క్రమం. ప్రయోజనాలు శారీరక స్థాయిలోనే కాదు, మానసిక మరియు ఆధ్యాత్మిక స్థాయిలలో కూడా ఉంటాయి.

సూర్య నమస్కారాలు క్రమం తప్పకుండా చెయ్యడం వల్ల కలిగే లాభాలు ఇప్పుడు చూద్దాం.

1. జీర్ణాశయం ఆరోగ్యాన్ని పెంచుతుంది : అన్ని పోషకాలు మన శరీరానికి అందాలంటే సరైన జీర్ణవ్యవస్థ చాలా ముఖ్యం. సూర్యనమస్కారాల వల్ల మనం తిన్న ఆహారం సరిగా జీర్ణం అయ్యి అన్ని పోషకాలు అందుతాయి.

2. ఫిట్ నెస్ : సూర్య నమస్కారాలు చేస్తే మన శరీర బరువు అదుపులో ఉండి ఫిట్ గా ఉంటాం. .

3. శరీరం యొక్క వంగే గుణాన్ని పెంచుతుంది: సూర్య నమస్కారాలు శరీరానికి వంగే గుణాన్ని పెంచుతాయి. దీనివల్ల కండరాల సమతుల్యత సరిగా ఉండి శారీరక ఒత్తిడిని తట్టుకోగలుగుతాము.

4. శారీరక దృఢత్వం: మన శరీర దృఢత్వాన్ని పెంచుతుంది. దీనివల్ల ఆత్మవిశ్వాసం, ఆరోగ్యం పెరుగుతాయి.

5. రక్తప్రసరణ: రక్తప్రసరణను పెంచుతుంది. సరైన రక్త ప్రసరణ శరీరంలో ఉన్న వ్యర్థాలను బయటకి పంపి శరీరాన్ని, చర్మాన్ని మరింత ఆరోగ్యాన్ని ఇస్తుంది.

6. ఆనందం: సూర్య నమస్కారాలు ఆందోళనని తగ్గించి సానుకూల దృక్పధాన్ని, మంచి మూడ్ ని ఇస్తాయి.

7. ఆలోచనలో స్పష్టత: మన జీవితం మన ఆలోచనలో స్పష్టత మీద ఆధారపడి ఉంటుంది. సూర్య నమస్కారాల వల్ల మన ఆలోచనల్లో స్పష్టత వస్తుంది

8. శ్వాసనాళాల ఆరోగ్యం పెంచుతాయి: ఊపరితిత్తులు, మొత్తం శ్వాసనాళాల ఆరోగ్యాన్ని మెరుగు పరుస్తాయి.

9. యవ్వనం: మనల్ని ఉత్సాహవంతంగా యవ్వనంగా ఉండేలా చేస్తాయి.

10. మంచి నిద్ర: మంచి నిద్ర పట్టేలా చేస్తాయి. దీనివల్ల insomnia ని అధికమించొచ్చు. మన ఆరోగ్యానికి మంచి నిద్ర చాలా అవసరం.

ప్రతిరోజూ సూర్య నమస్కారాలు చెయ్యడం వల్ల ఇవి కొన్ని ప్రయోజనాలు. సూర్య నమస్కారం అనేది 12 ఆసనాల క్రమం.

ఈ 12 ఆసనాలు మరియు వాటి ప్రయోజనాలు ఇప్పుడు చూద్దాం.

1. ప్రణామాసన (prayer pose) : సూర్య నమస్కారం చేసేటప్పుడు ఏకాగ్రత, ప్రశాంతత మరియు awareness పెరగడానికి ఈ ఆసనం సహాయపడుతుంది.

2. హస్త ఉత్తనాసన (raised arms pose) : ఈ ఆసనం ఊపిరితిత్తులను తెరుస్తుంది. ఇది అన్ని ఉదర అవయవాలను పూర్తిగా తెరుచుకునేలా చేస్తుంది. ఇది చేతులు మరియు భుజాలకు వ్యాయామం ఇస్తుంది. ఇది వెన్నుపూస ఆరోగ్యాన్ని మెరుగుపరుస్తుంది.

3. పాదహస్తాసన: (Hand to foot pose) – ఈ ఆసనం కడుపు వ్యాధులను నివారించడానికి, ఉపశమనం కలిగించడానికి మరియు తొలగించడానికి సహాయపడుతుంది. ఇది జీర్ణక్రియ మరియు రక్త ప్రసరణను మెరుగుపరుస్తుంది. ఇది వెన్నుపూసను ఆరోగ్యంగా ఉంచుతుంది . పొట్టలో ఉన్న అదనపు కొవ్వును తగ్గిస్తుంది.

4. అశ్వ సంచలనాసన: (Equestrian pose) – ఈ ఆసనం తొడలు మరియు కాళ్ళ కండరాలను బలపరుస్తుంది. ఇది నాడీ వ్యవస్థలో సమతుల్యతను తెస్తుంది. ఇది ఉదర కండరాలను ఆరోగ్యంగా చేస్తుంది.

5. పర్వతాసన: (Mountain pose )– ఈ ఆసనం చేతులు మరియు కాళ్ళ కండరాలను బలపరుస్తుంది. ఇది వెన్నెముకకు వ్యాయామం ఇస్తుంది. ఇది రక్త ప్రసరణను ప్రేరేపిస్తుంది మరియు నరాలను బలపరుస్తుంది.

6. అష్టాంగ నమస్కారం: ( salute with eight parts or point) ఎనిమిది భాగాలతో నమస్కారం – ఈ ఆసనం కాలు మరియు చేయి కండరాలను బలపరుస్తుంది. ఇది భుజాలు మరియు మెడ కండరాలను ఆరోగ్యంగా చేస్తుంది.

7. భుజంగాసన: (Cobra pose )- ఈ ఆసనం రక్త ప్రసరణను మెరుగుపరుస్తుంది. ఇది శరీరంలో హార్మోన్ల సమతుల్యతను కాపాడుతుంది. ఇది అజీర్ణం మరియు మలబద్ధకంతో సహా వివిధ జీర్ణ వ్యాధుల నుండి ఉపశమనం పొందటానికి సహాయపడుతుంది. ఇది వెన్నెముకను ఆరోగ్యంగా ఉంచుతుంది.

8. పర్వతాసనం: (mountain pose )– పాయింట్ # 5 లో పేర్కొన్న విధంగా ప్రయోజనాలు ఉంటాయి

9. అశ్వ సంచలనాసన: – పాయింట్ # 4 లో పేర్కొన్న విధంగా ప్రయోజనాలు  ఉంటాయి

10. పాదహస్తసనం: – పాయింట్ # 3 లో పేర్కొన్న విధంగా ప్రయోజనాలు ఉంటాయి

11. హస్త ఉత్తనాసన: – పాయింట్ # 2 లో పేర్కొన్న విధంగా ప్రయోజనాలు ఉంటాయి

12. ప్రాణామాసన : ప్రార్థన భంగిమ.

సూర్య నమస్కారాలు చెయ్యడానికి కొన్ని సూచనలు ఇప్పుడు చూద్దాం

1. సూర్య నమస్కారాలు సాధన చేయడానికి అనువైన సమయం సూర్యోదయ సమయం. ఇది సూర్యాస్తమయం సమయంలో లేదా కడుపు ఖాళీగా ఉన్న మరే సమయంలోనైనా సాధన చేయవచ్చు.

2. ఎక్కువ ప్రయోజనాల కోసం సూర్య నమస్కారం చేసేటప్పుడు శ్వాసను శారీరక కదలికలతో అనుసంధానం చెయ్యండి. దానివల్ల మన ఆలోచనలు అదుపులో ఉండి మన మానసిక శక్తి పెరుగుతుంది.

3. ఆధ్యాత్మిక ప్రయోజనాలను పొందడానికి మీరు ప్రతి ఆసనానికి ఒక మంత్రాన్ని కూడా జోడించవచ్చు.

4. వెన్నునొప్పి, స్లిప్డ్ డిస్క్ లేదా సయాటికా లేదా మరే ఇతర పెద్ద ఆరోగ్య సమస్యలు ఉన్నవారు సూర్య నమస్కారాన్ని అభ్యసించే ముందు వైద్యుడిని సంప్రదించాలి.

5. సూర్య నమస్కారాలు ఏ ప్రదేశంలోనైనా సాధన చేయవచ్చు. ఎక్కువ ప్రయోజనాల కోసం, ఉదయించే సూర్యుడి నుండి వస్తున్న కిరణాలు తగిలే ఆరుబయట చెయ్యండి

6. బరువు తగ్గడం లేదా శరీరం యొక్క వంగే గుణం పెరగడానికి సూర్య నమస్కారాలు వేగంగా చేయండి.

7. మానసిక ప్రశాంతత మరియు ఎలాంటి ఆలోచనలు లేకుండా నిశ్చలమైన మనసుకోసం సూర్యనమస్కారాలు మెల్లగా చెయ్యండి.

8. ప్రతిరోజూ 3 నుండి 12 రౌండ్ల సూర్య నమస్కారాలు సాధన చేయవచ్చు. శరీరానికి విశ్రాంతినిచ్చేలా శవాసనంతో సూర్య నమస్కారాల సాధన ముగించండి.

9. కొత్తవాళ్ళు సూర్యనమస్కారాలు 2 లేదా 3 రౌండ్లతో ప్రారంభించి క్రమంగా ఎక్కువ రౌండ్లు పెంచుకుంటూ వెళ్ళాలి .

10. మంచి యోగా గురువు మార్గదర్శకత్వంలో, సూర్య నమస్కారాలు 108 రౌండ్ల ప్రత్యేక సాధన చేయవచ్చు.

11. మీ చుట్టూ ఆరోగ్యకరమైన వాతావరణం కోసం పర్యావరణ అనుకూలమైన యోగా మ్యాట్ వాడండి .

12. యోగా ఆసనాలు చేయడానికి అనువైన బట్టలు ధరించండి.

సూర్య నమస్కారాలు మీ ఆరోగ్యాన్ని కాపాడటానికి ఒక అద్భుతమైన సాధనం. మీకు యోగా చెయ్యడానికి తక్కువ సమయం ఉంటే ,సూర్య నమస్కారాన్ని ఎంచుకోండి. సూర్య నమస్కారాన్ని ప్రతిరోజూ ఒంటరిగా సాధన చేస్తే మీకు అనేక ప్రయోజనాలు లభిస్తాయి. ఇది మీ మొత్తం శరీరాన్ని ఆరోగ్యంగా ఉంచుతుంది.

సూర్య నమస్కారాల ద్వారా సూర్య భగవానుడికి  మీ కృతజ్ఞతలు తెలియజేయండి. శారీరకంగా, మానసికంగా ఆధ్యాత్మికంగా దృఢంగా ఉండండి.